الصداقة …. وفي الوعي حياة.. بقلم / ياسمين حافظ

وحشتني أيام الصداقة
والناس كانت فيها آخر لطافة
كان الخير في القلوب عنوان
والضمير صاحي في كل مكان
وكان السؤال على الغير

عادة من غير تفكير
والاهتمام بالأهل والأحباب
كان يفتح للقلوب ألف باب
والبيوت منورة بالإيمان

مع كل صوت آذان
يلبوا نداء ربنا
ذكر وصلاة ودعاء
تلاقي الأمان وسطنا

والحب مالي دنيتنا
والكبير يتعمله حساب
والصغير يلاقي الاحتواء والجواب
وكانت الكلمة الطيبة سلام
والابتسامة تمحي الآلام

يا ترى إيه اللي جرالنا ؟!
وإزاي تبدلت أحوالنا ؟!
ليه بقى السؤال تقيل
والوصال بقى قليل !!!!!!
وليه بقت الدنيا جري
والقلوب مليانة هم وسواد

الصداقة مش كلمة تتقال
ولا صورة تنزل على الموبايل
الصداقة وفا وقت الشدة
وضهر وسند وقت الكربة

الصداقة دعوة بظهر الغيب
وحضور من غير طلب ولا ترتيب
يارب ارزقنا قلوبا صافية
ونفوسا طيبة وافية
تحسن الود وتحفظ العشرة

فما أجمل الصداقة إذا بنيت على المحبة والرحمة والوفاء …… وما أجمل الدعم النفسي والتقدير من الأصدقاء ……. وفي الوعي حياة ياصديقي العزيز ……