قدم غيابك … وفي الوعي حياة ونجاة

بقلم/ ياسمين حافظ

قدم غيابك عن اللي سابك
وكان دايما سبب
في خراب حياتك

قدم غيابك
عن اللي خان الود
وكان في روحك يهد
وعمره ما حس بيك
ولا إيده ليك في يوم كانت بتمد

قدم غيابك
عن اللي صدمك بغيابه
فجأة ومن غير سبب
وكان بيتعامل معاك بمزاجه

عن اللي كلامه كان ليك جارح
وفي أذاه بكل سهولة طايح
لا يهمه مشاعرك
ولا كان بيحترم وجودك
مصمم دايما على تدميرك
وتحطيمك
وتجاوز حدودك

مكنش بيعمل حسابك
وكان سبب كبير
في غيابك عن نفسك
خلاك تتوه
وتبعد عن روحك
وتنحرف عن صوابك

قدم غيابك
عن كل اللي غيبك عن نفسك
وخلى وجودك معاه
غياب عن ذاتك

ارجع لنفسك
لوعيك
لحدودك
ارجع لذاتك
قدم غيابك
لأن أحيانا غيابك عنهم
هو أول حضور حقيقي ليك في حياتك ياصديقي العزيز ………
وفي الوعي حياة
وفي حفظ حدودك نجاة