في بحر الذكريات… وفي الوعي حياة ونجاة

بقلم / ياسمين حافظ

في بحر الذكريات
لينا كتير حكايات
عشنا فيها
شوفنا فيها

ضحكنا فيها
وبكينا فيها

حلمنا فيها
واتوجعنا فيها

صدقنا ناس
خانوا العِشرة
وعشنا كتير خيبات

واتعلمنا مع كل وقعة
إن الوعي نجاة

إن مش كل كلمة حلوة وضحكة
وراها حب وحقيقة

ولا كل غيبة
معناها خسارة

قابلنا قلوب
فتحت لينا ألف باب
وقلوب تانية

قفلت في وشنا
حتى وقت العتاب

وفي ناس سابت
جوانا علامات

وناس علمتنا
إزاي نعيش من غير التفات

وفي بحر الذكريات
بتعدي الأيام والسنين

وتفضل مواقف
تضحكنا يوم
وتوجعنا يومين

لكن مهما فات
ومهما زادت الحكايات
هنفضل نتعلم

من كل اللي فات
ونزرع أمل
في اللي جاي

ونعيش بوعي
ونختار بإرادتنا
ونسيب لربنا
تدبير الحياة
ورسم الحكايات

وفي الوعي حياة
وفي الوعي نجاة

ومن قلب كل حكاية
بنتولد من تاني لحياة ….