خالد كامل يكتب.. الأمل

طول عمري وأنا بأسمع الكلمة ديه “اسمك من نصيبك”

بس كنت بقول ديه تخاريف.. لكن حصلت لي حاجة غريبة النهاردة وأنا الصبح بدري رايح النادي .. ركبت مترو الانفاق ولما جيت اقعد في المكان الفاضي.. كانت جنب منى قاعدة على نفس الكرسي ست في منتهى الشياكة لكن لفت نظري قوي كمية الاكسسوارات الفضة الكتير اللي كانت لابساها.. وفي نفس الوقت كانت ملفتة جدا لكن بعد ما ركزت فيها شوية كده على الآخر، لقيت نفسي عرفت اسمها بالفهلوة بتاعة المصريين كده من غير ما تقولي بنفسها أو نسلم على بعض أو نتكلم سوا حتى وده علشان الانسيال اللي كانت لابساه في ايدها اليمين كان مكتوب عليه “امل” بالانجليزي والسلسلة اللي كانت متعلقة في رقبتها كان مكتوب عليها “أمل” بس بالعربي..اما بقي الخاتم

واللي كان في صباعها الصغير اللي في ايدها الشمال و لابسة فيها الساعة كان منقوش عليه بوضوح حرف” الآية” بالانجليزي ” A ” كل ده كوم ومش مهم عندي.

بس الغريب فعلا أن النهاردة بالذات كان عندي “امل” إن لوحتي المعروضة في مسابقة الفن الحديث والمقام بالنادي ..إنها تفوز و تاخد الجايزة الاولي ،،،،،لكن اللي حصل من كتر تفكيري وسرحاني وحلمي في الفوز خلاني ماشفتش الست نزلت في انهي محطة…وانا برضه ماشي للنادي وحاطط ايدي علي قلبي،،،لكن أول ماقربت من بوابة النادي

لقيت كل رجالة الأمن علي البوابة بيقولولي في نفس واحد الف مبروك وبيهنوني ،،،،لوحتك فازت بالمركز الأول يافنان وبعد ماسمعت مادريتش بنفسي غير وانا ساجد علي الارض وبقول بصوت عالي أحمدك يارب……..ياما انت كريم يارب.

ولما فوقت من الفرحة…………..قولت في نفسي انتي فينك يااااااااامل…….. دلوقتي

ياللي كنتي قاعدة جنبي في مترو الانفاق.