شعر وأدب
عن الزلزال أتحدث.. وفي الوعي حياة.. بقلم/ ياسمين حافظ
لحظة فارقة
في ثواني مش فارقة
جمعتنا على كلمة واحدة
يارب
خضتنا لخبطتنا توهتنا
خوفتنا من الفراق
ومن يوم الحساب
ومن نهاية فجأة
ومحدش عامل حساب
هى لحظة أيوة
لكن قالت كتير
في ثواني فهمتنا معنى الحياة
الحياة مش علاقات ومناصب وصيت
ولا مال راح أو مال زاد
الحياة روح غالية
وقلب طاهر
وضمير مرتاح
وعمل صالح
لا يخاف صاحبه من الحساب
في لحظة
كلنا نسينا أسماءنا ومناصبنا
وما بقاش على لساننا
غير كلمة واحدة
ياااااااارب سلم
اللهم احفظ بلادنا وأهلها
وارزقنا حسن الخاتمة
واجعل خوفنا منك رحمة تقربنا إليك
ولا تجعل الدنيا أكبر همنا
