جلطات القلب عند النساء غير

كتب دكتور جمال شعبان

“أنا حاسة بشوية حموضة وتقل في كتفي”.. الجملة دي مش مجرد إرهاق عادي، دي ممكن تكون إنذار لجلطة في القلب!

الذبحة الصدرية وجلطة القلب عند الستات مختلفة تماماً عن الرجالة! الوجع عند الستات بيكون “غير نمطي”، يعني مش هيجيلها الوجع الكلاسيكي اللي بنسمع عنه أو تحس بسكاكين بتقطع في صدرها زي ما مكتوب في الكتب.

الأزمة القلبية عند الستات ممكن تيجي مستخبية في شكل أعراض بسيطة جداً، زي:شوية حموضة بسيطة. إرهاق وعرق. نغزة أو تقل في الكتف. المشكلة إن الستات غالباً بتشتكي متأخر، وساعات مابتعرفش تعبر عن الوجع اللي حاسة بيه صح.

“رفقاً بالقوارير”.. احترموا شكوى الستات وماتتجاهلوش أي وجع بيحسوا بيه. اللي إنت فاكره مجرد حموضة بسيطة أو التهاب في المعدة، ممكن للأسف يطلع ذبحة صدرية أو جلطة قلبية! اكشفي واطمني.. لأن صحتك بالدنيا.