كان ياما كان.. بقلم / ياسمين حافظ

لما دق الحب بابنا
عشنا كل المشاعر
جينا كتير ع قلوبنا

لفيناها كعب داير
كنا فاكرين حاجات
باللي عشنا فيه واللي فات

فجأة الأمان بينا مات
وكل اللي كان هدوء ودفا
بقى بارد وثاير
واللي كان وعد اختفى

والاحساس بينا حاير
صبح التغيير عادة
والحب طعمه سادة
عشنا أغراب بزيادة
نسينا وعد المشاعر

بقينا اتنين غيرنا
والحكاية مش حكايتنا
والحب اللي مالي بيتنا
اللي كان عشانه نعافر

مات في خبر كان
أكنه اتغرب وسافر
وكان اللي كان

…………….
وهى دي حكايتنا
حكاية الحب اللي دق بابنا
وكان ياماكان مالي حياتنا
بس الزمان كان له حكمة

من مشاعر حيرتنا
علمتنا …. غيرتنا
بقينا اتنين غيرنا ….. عكس زمان …..