قاع الهامور … اثبت يا أمور.. وفي الوعي حياة بقلم ياسمين حافظ

بيقولك قاع الهامور !!!؟؟؟؟
استنى هنا يا أمور
اثبت بس خلينا نفهم الموضوع و ايه بينا بيدور
من أنتم
وماذا تفعلون ؟؟؟؟
وماذا عنكم وعن كل ما يدور
بيقولك قاع !!

والقاع حوالينا
داير ما يدور …….
طيب إيه الجديد
وإيه الغريب
غير إننا بقينا نجري
ورا التريند ورا أي لقطة

ورا أي ظهور
بقينا ندي قيمة
لأي حاجة تتقال
ونعمل من اللاشيء حكاية ومقام

والكل يصفق ويقول
إيه ده ….. يادي النور
والأغرب من كده
إن حتى المشاهير
اللي مش محتاجين شهرة

بقوا داخلين السباق
وكل واحد مستعد يعمل أي حاجة
عشان يفضل في الصورة
وما يختفيش من الظهور
طيب ثواني

إلى أين نحن ذاهبون !!!!
وماذا يوجد فعلا بين السطور
من نحن
وبأي منطق
أصبحنا نهتم بكل هذه الأمور

كيف وصلنا لهذا المستوى
من الانشغال بالتفاهات
ونعمل من لا شيء
تغريدات وتريندات
وحاجة لا يصدقها
المنطق ولا حتى العصفور

المشكلة في قاع الاهتمام
اللي وصلنا له
لما بقينا نرفع التفاهة
فوق القيمة
والتريند فوق العقل
والظهور فوق أي حضور !!!!!

إحنا محتاجين نسأل نفسنا
هو إحنا فعلا بقينا نعيش أحداث حياتنا
ولا بقينا نعيش على الهامور
فالمشكلة مش في الهامور

المشكلة فينا إحنا وفي مستوى الوعي والحضور …… وعجبي يا أمووور