«لا تنتقم»

عبداللطيف بن عبدالله آل الشيخ

لا تنتقم .. ترى التجاهل له انياب
تنهش غروره بدون رفع الخناجر

من خان عهده .. صَيّر لـ ذِكره غياب
و ضاعت ملامح صورته في المحاجر

للنفس شيمه .. فوق خوَّان كذاب
تسْطِي .. و تِبْتِر دابرٍ إثر دابر

العمر ومضة وعي .. و الوقت نهّاب
يمضي ولا يِلْتَفّْ صوب الفواجر

ربّ العوض .. يفتح لـ هقواتك الباب
يغسل بها غصّه طوتها الحناجر

قيمة مقامك ما تبي وزن و حساب
العز .. ما يُوزِن مقامه متاجر